“എല്ലാവരും ഓരോരുത്തർക്കും ഓരോരുത്തരും എല്ലാവർക്കും”… എന്ന സഹകരണകാഴ്ചപ്പാടുയർത്തിയുള്ള പ്രയാണം പതിറ്റാണ്ടുകൾ പിന്നിട്ടിരിക്കുന്നു. നാടിൻറെ സാമ്പത്തിക വിഭവങ്ങളാകെ ശേഖരിച്ച് പ്രദേശത്തുതന്നെ ഉപയോഗപ്പെടുത്തിയുള്ള മുന്നേറ്റത്തിന് ഏക ബദൽ എന്നതാണ് പ്രധാനം. നാടാഗ്രഹിക്കുന്ന ബാങ്കിംഗ്തര പ്രവർത്തനങ്ങൾ അതാത് സമയം ഏറ്റെടുക്കുന്നത് വഴിയാണ് ജനകീയ ബാംങ്കിംഗ് സാധ്യമാകുന്നത്. തുടർന്നും എല്ലാവരുടെയും സഹായസഹകരണങ്ങളും ഉപദേശനിർദ്ദേശങ്ങളും അഭ്യർത്ഥിക്കുന്നു. 

പ്രാദേശിക ധനമൂലധനത്തിൻ്റെ പുറത്തേക്കുള്ള ഒഴുക്ക് നിയന്ത്രിക്കുകയും അതിവിടത്തെ തന്നെ ഉദ്പാദന-ഉപഭോഗ മേഖലയിൽ വിനിയോഗം ഉറപ്പാക്കുകയും ചെയ്യുക. പ്രാദേശിക സമ്പദ് വ്യവസ്ഥയെ നിക്ഷേപ വായ്പാ ബന്ധങ്ങൾ വഴി ക്രിയാത്മകമായി പരിപാലിച്ച്, അസമത്വം ഇല്ലാതാക്കി നാടിൻ്റെ സമഗ്രതയിലേക്കുള്ള മുന്നോട്ട്പോക്കിനെ ത്വരിതപ്പെടുത്തുകയാണ് വിഷൻ.സുസ്ഥിരതയിലേക്കുള്ള യാത്രയിൽ യുവതയുടെ ഉൾപ്പെടുത്തൽ ഇരുകൂട്ടർക്കും ഒപ്പം നാടിൻ്റേയും പൊതു ആവശ്യമാണ്. ഗ്ലോബൽവില്ലേജിൻ്റെ കാലാനുസൃത സാധ്യതകളിലേക്ക് ഒറ്റക്കല്ല… സമുഹത്തെയാകെ എന്നതാണ് വെല്ലുവിളി. ഒപ്പം വനിതകൾ, പാർശ്വവത്കരിക്കപ്പെട്ട വിഭാഗങ്ങൾ എന്നിവരെ പ്രത്യേകം അഡ്രസ് ചെയ്യേണ്ടതുണ്ട്. നമുക്കത് സാധ്യമാകും.
ജനതയുടെ സമ്പാദ്യശേഷി, മിതവ്യയം, സാമൂഹ്യ അവബോധം,ജനകീയ ഉടമസ്ഥതയും പങ്കാളിത്തവും,നിയമപരവും സാമൂഹ്യവുമായ നിയന്ത്രണം എന്നിവയാണ് വിഭവങ്ങൾ.
ദീർഘവീക്ഷണം, പരിശ്രമം, സാധ്യതകളും ആവശ്യങ്ങളും തിരിച്ചറിയുക എന്നതും അവയെ ഇൻപുട്ടുകളുമായി സമന്വയിപ്പിക്കുക എന്നതുമാണ് മിഷൻ സഹകരണത്തിൻ്റെ അവസരങ്ങൾ ഈ നാട് തെരഞെടുത്തതിൽ സന്തോഷമുണ്ട്. സാമൂഹ്യ പുരോഗതിയുടെ ഏകകത്തിൽ ഗ്രാമത്തെയാകെ ബാലൻസ് ചെയ്യാൻ ഈ സ്ഥാപനത്തിൻ്റെ സാധ്യതയും ബദലും നിങ്ങൾ കാണുമെന്ന് എനിക്കുറപ്പുണ്ട്.